Elap tokjān an jemen im jinen im baaṃle eo āinwōt ri-kaki eo moktata an ajiri ro nejeir. Ajiri rej ekkatak ilo elōn̄ wāween im eoktak aer ṃōkaj. N̄e rej iten jikuuļ, eoktak mejādikir. Men kein enaaj jiton̄ e jet kain mejādik ko im ajiri ro aikuji bwe ren pojak n̄ an kindergarten. Laajrak in ilaļ ej kwaļok jet wāween jerbal ippān ajiri eo nejūṃ bwe kwōn jipan̄ e an pojak n̄ an jikuuļ.

 

Pād Ippān Ro Jet (Social) / Eñjake (Emotional)

• Nejū ejelā ļoore n̄e kwōj kipele kōn men ko me elōn̄ 2 alen im ej jino in ļoore n̄e elōn̄ 3 alen.
• Nejū emaron̄ in keememej im ļoore laajrak ko (waan jon̄ak: ṃōn̄ā in jota, tutu, ron̄jake bwebwenato, iten kiki).
• Nejū emaron̄ in kowaļọk men ko ej en̄jake (waan jon̄ak: Iṃōņōņō, Iburoṃōj, Ieṃṃōļō).
• Nejū ejelā kaaenōṃṃane emake n̄e eillu ak būromōj.
• Nejū ejelā kōṃṃan kopā eo an.
• Nejū ejelā kōjerbal ṃōn kōppojak.          
• Nejū ejelā aṃwin.
• Nejū ejelā kọkoņi kein ikkure, karreo men ko elilutōktōk im kintak.
• Nejū ejelā jaketo-jaketak im ej jipan̄ ro jet.
• Nejū ejelā oktak n̄e eoktak iien ak eoktak armej ro rej pād ippān.
• Nejū ejelā ikkure ippān ro jet.
• Nejū ejelā kaaenōṃṃane ro jet.
• Elōn̄ an nejū iien in ikkure ippān ro mōttan im rej dettan wōt juon.

 

Ānbwin

• Nejū ejelā ettōr, kālọk, im “gallop.”
• Nejū ejelā jutok ioon juon wōt pein.
• Nejū ejelā joļọk im bōbo bool kileplep.
• Nejū ejelā anidep bọọl.
• Nejū ejelā jijāj.
• Nejū ejelā jibwe im kōjerbal pinjeļ.
• Nejū ejelā bakōļ, jibōr, “snap,” im batin.

 

Kajin

• Nejū ejelā kōjerbal naan in kowaļọk ļōmņak ko an im aikuj ko an.
• Nejū ejelā naetan im kwaļọk kadkadin men ko ilo mour eo an.
• Nejū ej kōjerbal naan ko ekāāl aolep raan.
• Ealikkar an nejū kōnnaan im armej rej kijoñ meļeļe ta eo ej ba.
• Nejū ejelā kōnnaan im kōjerbal jāntōj ko me elōn̄ 4-6 naan ko.
• Nejū ejelā kōnnaan kōn men ko kar waļọk mokta, im kōmmeļeļe kōn men ko edik.
• Nejū ejelā kōnono kōn juon men eo, ippān bar juon armej, im ejelā leļọk iien kōnnaan ippān armej eo innem bōk an iien kōnnaan.

 

Kile

• Nejū ejelā ļōmņak kōn elōn̄ļọk jān juon wāween uwaak juon kajjitōk.
• Nejū ej lale men ko im ej pūkot uwaak ko n̄an kajjitōk ko.
• Nejū ejelā oktak im ejelā kōṃṃan an make ikkure im wāween uwaak kajjitōk ko.
• Nejū ejelā ajeji men ko ekkar n̄an wūno, jekjek, jon̄an, kain kein.
• Nejū ejelā jijet im pād wōt, im ļōmņak wōt kōn men eo ej kōṃṃane.

 

Waak

• Nejū ejelā 5-10 “rhyme” ko ak al ko an ajri.
• Nejū ejelā n̄e naan ko rej ejjino kōn ejja juon wōt ainikien (waan jon̄ak: kilep, kidu).
• Nejū ejelā ron̄jake ṃōttan naan ko (waan jon̄ak: ṃō-ņō-ņō, 3 mōttan ak 3 “syllable” ko).
• Nejū ej kile im ej naetan 10-20 kiāptōļ im 10-20 lōta ko ejjab kiāptōl.
• Nejū ejimwe an ba 10-20 lōta ko.
• Nejū eimminene kōn ṃōttan juon bok: cover, title, peij, naan ko, etc.
• Nejū ej riit ippān juon rūtto ak ej ron̄jake juon bwebwenato aolep raan; ejelā kōnnaan kōn ak bar ba juon bwebwenato.
• Nejū ej “jei” juon bwebwenato ilo an kōṃṃan pija ko im/ak kōjerbal lōta ko.
• Nejū ejelā jei etan im kile lōta ko.
• Nejū ejelā aļbapeet.

 

Bōnbōn

• Nejū ejelā bwini 10-20 men ko, im ej jiton̄e kajjojo men eo.
• Nejū ejelā bōnbōn kōn ainikien, im ejimwe, n̄an 20.
• Nejū ejjino an meļeļe im kōjerbal naan ko lōn̄ļọk, iietļọk im āinwōt juon.
• Nejū ej kile nōṃba ko 1-10.
• Nejū ejelā koba nōṃba ko 1-10 ippān oran men ko ejimwe.
• Nejū ej kile annan̄ ko ekkā loi (waan jon̄ak: doulul, jukweea, “triangle,” “rectangle”).
• Nejū ejelā karōke im kọkwōpej annan̄ ko epidodo.
• Nejū ejelā kōjerbal kein jon̄ake ilo an ikkure (waan jon̄ak: kab ko, jibuun ko, ruļa, bọun).
• Nejū ej kōjerbal naan ko n̄an kōmmeļeļe men ko ekkar n̄an jon̄an, annan̄, im bọunin (waan jon̄ak: kilep, doulul, eddo).
• Nejū ejelā kōllaajrak men ko (waan jon̄ak: kein kajuon, kein karuo, kein kajilu).

 

Meļeļe ko kake e

• Nejū ejelā etan eo mokta (first name), etan eo elik (last name) im etan jeman im jinen.
• Nejū ejelā atōrej eo an im nōṃba in talboon eo an.
• Nejū ejelā naetan 10 ṃōttan ānbwinnin (bar, aerā, bukwi, addi, im kain kein).
• Nejū ejelā ded im raanin ļotak eo an.